ຣີວິວ Samsung Galaxy E7 ຫນ້າຈໍໃຫຍ່ ສະເປັກແຮງ ໂຕເຄື່ອງບາງພຽງ 7.3 ມມ.

อ่านรีวิวภาษาไทย>>รีวิว Samsung Galaxy E7 หน้าจอใหญ่ สเปคแจ่ม บางเฉียบเพียง 7.3 มม.!!!

ຣີວິວ Samsung Galaxy E7 ຫນ້າຈໍໃຫຍ່ ສະເປັກແຮງ ໂຕເຄື່ອງບາງພຽງ 7.3 ມມ.

 

 

Samsung Galaxy E7 ເປັນອີກທາງເລືອກທີ່ຫນ້າສົນໃຈຈາກທາງ Samsung ສຳລັບຄົນທີ່ຄິດວ່າ Samsung Galaxy A ລາຄາແພງໄປ ແລະ ບໍ່ຈຳເປັນຕ້ອງໃຊ້ສະມາດໂຟນວັດສະດຸໂລຫະ ໂດຍທີ່ຕະກູນ Samsung Galaxy E ຈະມາພ້ອມລາຄາທີ່ຖືກລົງ ພ້ອມກັບວັດສະດຸມາດຕະຖານເກົ່າຈາກທາງ Samsung ແຕ່ຄຸນນະພາບວັດສະດຸ ແລະ ງານປະກອບຍັງຄົງຢູ່ໃນລະດັບສູງ ງານລະອຽດ ແລະ ວັດສະດຸເປັນປາສຕິກຄຸນນະພາບດີ.

Samsung Galaxy E7 ເປັນສະມາດໂຟນທີ່ຫນ້າສົນໃຈທີ່ມາພ້ອມກັບຫນ້າຈໍ Super AMOLED ຂະຫນາດໃຫຍ່ 5.5 ນີ້ວຄວາມລະອຽດ HD 720p ສວຍງາມ ແລະ ບາງຫລາຍພຽງແຕ່ 7.3 ມມ. ເທົ່ານັ້ນ. ມາພ້ອມກັບກ້ອງຄວາມລະອຽດ 13 MP ແລະ ກ້ອງຫນ້າມາດຕະຖານໃຫມ່ຂອງທາງ Samsung ຄວາມລະອຽດ 5 MP ສ່ວນໂຕຂ້ອນຂ້າງປະທັບໃຈຫລາຍ ເພາະລາຄາບໍ່ແພງ ຢູ່ທີ່ປະມານ 2.875.000 ກີບ ແລະ ໂມເດວທີ່ນຳມາຈຳຫນ່າຍໃນບ້ານເຮົາຈະຮອງຮັບຊິມດຽວ (ແຕ່ເຄື່ອງທີ່ໄດ້ມາທົດສອບດ້ານຫລັງພັດມີເຄື່ອງຫມາຍ Duos ມາຊ້ຳ)

 

---

 

ສະເປັກຂອງ Samsung Galaxy E7

• 3G HSDPA 850 / 900 / 1900 / 2100
• 4G LTE band 1(2100), 3(1800), 5(850), 7(2600), 8(900), 20(800)
• HSPA 42.2/5.76 Mbps, LTE Cat4 150/50 Mbps
• ຂະຫນາດໂຕເຄື່ອງ 151.3 x 77.2 x 7.3 ມມ. ນ້ຳຫນັກ 141 ກຣາມ
• ຫນ້າຈໍ Super AMOLED ຂະຫນາດ 5.5 ນີ້ວຄວາມລະອຽດ HD 720P 720 x 1280 pixels (267ppi)
• Android 4.4.4 KitKat ປັບແຕ່ງທັບດ້ວຍ TouchWiz UI
• ຊິບເຊັດ Qualcomm MSM8916 Snapdragon 410
• CPU Quad-core 1.2 GHz Cortex-A53
• GPU Adreno 306
• RAM 2GB
• ຫນ່ວຍຄວາມຈຳພາບໃນ 16GB ເພີ່ມພາຍນອກໄດ້ສູງສຸດ 64GB
• ເຊັນເຊີ້ Accelerometer, proximity
• Wi-Fi 802.11 b/g/n, hotspot
• Bluetooth 4.0 with A2DP
• NFC
• microUSB 2.0
• GPS ຮອງຮັບ GLONASS
• ກ້ອງຫລັງຄວາມລະອຽດ 13 MP, 4128 x 3096 pixels, autofocus, LED flash
• ບັນທຶກວີດີໂອຄວາມລະອຽດ Full HD 1080P 30fps
• ກ້ອງຫນ້າຄວາມລະອຽດ 5MP
• ແບັດເຕີລີ້ຄວາມຈຸ  2950 mAh
• ລາຄາເປີດໂຕ ປະມານ 2.875.000 ກີບ

 

Samsung Galaxy E7 ອອກແບບຄືກັບ Galaxy A ແຕ່ວັດສະດຈະເປັນປາສຕິກດ້ານທັງໂຕເຄື່ອງ ຄຸນນະພາບວັດສະດຸດີຫລາຍ ສຳລັບເຄື່ອງທີ່ໄດ້ມາທົດສອບຈະເປັນສີຂາວ ດ້ານຫນ້າຈະມີລາຍໆ ເບິ່ງແລ້ວຫລູຫລາ ຫນ້າຈໍ Super AMOLED ຂະຫນາດ 5.5 ນີ້ວຄວາມລະອຽດ HD 720p 720 x 1280 pixels (267 ppi) ເບິ່ງແລ້ວສວຍງາມ ສີສັນສົດໃສ ຄວາມສະຫວ່າງຫນ້າຈໍສູງ ໃຊ້ງານກາງແຈ້ງໄດ້ຢ່າງຊັດເຈນ ມຸມມອງກວ້າງ ແລະ ສະຫວ່າງທົ່ວຈໍ ດ້ານເທິງລຳໂພງສົນທະນາດັງຊັດເຈນດີ ຖັດມາເປັນເຊັນເຊີ້ Accelerometer, Proximity ແລະ ກ້ອງຫນ້າຄວາມລະອຽດ 5MP ດ້ານລຸ່ມປຸ່ມໂຮມ ຈະເປັນແບບກົດມາດຕະຖານ Samsung ສ່ວນດ້ານຊ້າຍຈະເປັນປຸ່ມ Recent Apps ແລະ ດ້ານຂວາຈະເປັນປຸ່ມ Back ແບບສຳຜັດທີ່ມີໄຟທີ່ປຸ່ມກົດສະຫວ່າງດີ.

ດ້ານຫລັງລຽບໆ ຜິວສຳຜັດດ້ານໆ ເຮັດໃຫ້ບໍ່ຕິດຮອຍນີ້ວມື ແລະ ເປັນຮອຍຂູດຂີດໄດ້ຍາກ ກ້ອງຄວາມລະອຽດ 13 MP ນູນຂຶ້ນມາຫລາຍຈະຕ້ອງໄດ້ລະວັງຫນ້ອຍຫນຶ່ງ ດ້ານຊ້າຍເປັນໄຟແຟລສ LED ສ່ວນດ້າຍເທິງຂວາເປັນລຳໂພງໂຕເຄື່ອງສຽງດັງດີ ແລະ ບໍ່ແຕກ.

ຂອບດ້ານຂ້າງຈະເປັນປາສຕິກສີເງິນດ້ານມີລວດລາຍຄ້າຍກັບໂລຫະ ດ້ານເທິງມີໄມຕັດສຽງລົບກວນ ແລະ ດ້ານລຸ່ມມີ Port Micro USB ແລະ ຊ່ອງຫູຟັງມາດຕະຖານຂະຫນາດ 3.5 ມມ. ແລະ ໄມໂຄຣໂຟນ.

ດ້ານຊ້າຍຈະມີປຸ່ມປັບລະດັບສຽງ ແລະ ດ້ານຂວາຈະມີປຸ່ມ Power ແລະ ຊ່ອງໃສ່ຊິມກັບຊ່ອງໃສ່ຫນ່ວຍຄວາມຈຳພາຍນອກ Micro SD Card ມາດຕະຖານຕາມສະເປັກຮອງຮັບໄດ້ສູງສຸດ 64 GB

ສຳລັບ Samsung Galaxy E7 ໃຫ້ແບັດຯມາຫລາຍສົມຄວນທີ່ 2950 mAh ຈາກການທົດສອບແບັດຯທົນດີຫລາຍສາມາດໃຊ້ງານໄດ້ຫມົດມື້ແນ່ນອນ.

 

ທົດສອບດ້ວຍ Quandrant Standard ໄດ້ຄະແນນ 11252 ຄະແນນ

ທົດສອບດ້ວຍ AnTuTu Benchmark ໄດ້ຄະແນນ 21308 ຄະແນນ

ທົດສອບດ້ວຍ Nenamark 2 ເຮັດໄປໄດ້ 53.9 fps

ຮອງຮັບ MultiTouch 10 ຈຸດສົມບູນ

GPS ຈັບສັນຍາຍໄດ້ຖືກຕ້ອງ ແລະ ວ່ອງໄວດີ.

Samsung Galaxy E7 ມາພ້ອມກັບ Android 4.4.4 Kitkat ປັບແຕ່ງທັບດ້ວຍ TouchWiz UI ລຸ້ນໃຫມ່ຄືກັບໃນ Galxy A ສາມາດປ່ຽນ Themes ໄດ້ແລ້ວໂດຍໃນເຄື່ອງຈະມີມາໃຫ້ 5 ແບບ ເຊິ່ງຕໍ່ໄປຫນ້າຈະສາມາດດາວໂຫລດເພິ່ມໄດ້ອີກ ໂດຍລວມກໍ່ຄືເກົ່າ ສວຍງາມດີ ແລະ ໃຊ້ງານງ່າຍ ຕອ້ງຂໍຊົມ Samsung Galaxy E7 ເພາະເຖິງວ່າສະເປັກບໍ່ໄດ້ເດັ່ນຫລາຍ Snapdragon 410 ແຕ່ຄວາມລ່ຽນໄຫລ ເຮັດໄດ້ດີຫລາຍ ເວົ້າໄດ້ງ່າລ່ຽນໄຫລດີກວ່າລຸ້ນໃຫຍ່ໆຂອງບາງແບຣນອີກພຸ້ນແຫລະ..

ດ້ານຊ້າຍສຸດຈະເປັນ Flipboard ຈະເປັນຟັງຊັ່ນດຶງຟີດຂ່າວຈາກແຫລ່ງຕ່າງໆ ມາລວມໄວ້ມຫ້ເຮົາໄດ້ຕິດຕາມໄດ້ຢ່າງງ່າຍດາຍ ແລະ ສວຍງາມຫລາຍ ແຕ່ຫນ້າເສົ້າທີ່ບໍ່ຮອງຮັບສື່ທີ່ມາຈາກປະເທດໄທ ແລະ ລາວເຮົາເລີຍ (ຈື່ໄດ້ວ່າລຸ້ນທຳອິດນັ້ນຮອງຮັບຢູ່ ແຕ່ຖືກຕັດອອກໄປແບບເສີຍໆເລີຍ) ເຊິ່ງເຮົາສາມາດເລືອກປິດໄດ້ດ້ວໃນການຕັ້ງຄ່າຫນ້າ Home.

Multi Windows ເປັນການໃຊ້ງານ 2 ຫນ້າຈໍພ້ອມໆກັນສາມາດສະຫລັບຕຳແຫນ່ງ ແລະ ຫຍໍ້ຂະຫຍາຍຫນ້າຕ່າງໄດ້ຕາມໃຈມັກ ຮອງຮັບແອັບຯ ແລະ ຄຳສັ່ງຕ່າງໆໄດ້ຢ່າງຫລາກຫລາຍ ແລະ ສາມາດຫຍໍ້ຫນ້າຈໍທີ່ເຮົາໃຊ້ຢູ່ກາຍມາເປັນຄຳສັງ Multi Windows ໄດ້ໂດຍການລາກນີ້ວຈາກມຸມຫນ້າຈໍລົງມາເທົ່ານັ້ນເອງ ຊ່ວຍໃຫ້ການໃຊ້ງານໃນສະມາດໂຟນຂອງ Samsung ສະດວກຂຶ້ນຫລາຍ ແລະ ເປັນລູກຫລີ້ນທີ່ຫລາຍໆຄົນມັກ.

ມາພ້ອມກັບ Blocking Mode ຈະເປັນຄຳສັ່ງ Block ການແຈ້ງເຕື່ອນຕ່າງໆ ໂດຍສາມາດເລືອກບ໊ອກລາຍຊື່, ການແຈ້ງເຕືອນ Notification, ການແຈ້ງເຕືອນຕ່າງໆໂດຍທີ່ເຮົາສາມາດຕັ້ງໄລຍະເວລາສຳລັບ Blocking Mode ໄດ້ອີກດ້ວຍ ແລະ Private Mode ຈະເປັນໂຫມດທີ່ຊ່ວຍໃຫ້ເຮົາເຊື່ອງຂໍ້ມູນທີ່ຕ້ອງການໃຫ້ເປັນຄວາມລັບສ່ວນໂຕຂອງເຮົາ ໄດຍຖ້າຄົນອື່ນທີ່ບໍ່ຮູ້ລະຫັດຜ່ານ ຈະບໍ່ສາມາດເຂົ້າມາເບິ່ງຂໍ້ມູນທີ່ເຮົາເຊື່ອງໄວ້ໄດ້ເລີຍ ວິທີໃຊ້ຄືເຮົາເປີດ Private Mode ແລ້ວໄປເລືອກຂໍ້ມູນທີ່ເຮົາຕ້ອງການຈະເຊື່ອງ ຈະນັ້ນກໍ່ປິດ Private Mode ຂໍ້ມູນທີ່ເຮົາເລືອກຈະຖືກເຊື່ອງໄວ້ບໍ່ໃຫ້ສະແດງຜົນໃຫ້ໄຜເຫັນ ຈະເຫັນກໍ່ຕໍ່ເມື່ອເຮົາເປີດ Private Mode ຂຶ້ນມາອີກຄັ້ງ ໂດຍຂໍ້ມູນທີ່ເຮົາສາມາດເຊື່ອງເອົາໄວ້ໄດ້ແກ່ Gallery, ວີດີໂອ, ເພັງ,ໄຟລ໌ສ່ວນໂຕ

ທົດສອບໄຟລ໌ຄວາມລະອຽດ FuLL HD 1080p ລ່ຽນໄຫລດີ ບໍ່ມີສະດຸດ.

ເຄຶ່ອງຫລິ້ນເພັງສາມາດປັບ EQ ແບບສຳເລັດຮູບ ແລະ ປັບແຕ່ງດ້ວຍຕົນເອງໄດ້ ມາພ້ອມກັບລະບົບປັບແຕ່ງສຽງ ແລະ ຈຳລອງສຽງມາໃຫ້ໃຊ້ຢ່າງຈຸໃຈ ແລະ ຍັງຄົງມີລະບົບ Adapt Sound ເຊິ່ງກໍ່ຄືການປັບຈູນສຽງດ້ວຍຫູເົຮາເອງ ນອກຈາກນີ້ວິທະຍຸຍັງມີຫນ້າຕາສວຍງາມ ແລະ ສາມາດຮັບຟັງຜ່ານອອນໄລ ໄດ້ດ້ວຍ ແລະ ດຶງຂໍ້ມູນສະຖານີມາສະແດງໄດ້ອີກດ້ວຍ ລວມທັງຍັງສາມາດບັນທືກເກັບເອົາໄວ້ຟັງຕາມຫລັງໄດ້ອີກດ້ວຍ.

ທົດສອບຫລິ້ນເກມພາບງາມໆຢ່າງ Heaven Strike Rivals ລ່ຽນໄຫລດີຫລາຍ.

Samsung Galaxy E7 ມາພ້ອມກັບກ້ອງຄວາມລະອຽດ 13MP, 4128 x 3096 pixels, Autofocus, LED flash ບັນທຶກວິດີໂອຄວາມລະອຽດ Full HD 1080p, 30fps ແລະ ກ້ອງຫນ້າຄວາມລະອຽດ 5MP ຮອງຮັບການຍົກມືເພື່ອຖ່າຍ Selfie ຄຸນນະພາບກ້ອງສວຍງາມຫລາຍ ແຕ່ວ່າ White Balance ບໍ່ຖືກຕອ້ງດີປານໃດ ລອງທຽບກັບ Galaxy A5 ແລ້ວເຫັນເຖິງຄວາມແຕກຕ່າງ ແຕ່ໂດຍລວມກໍ່ຖືວ່າໃຊ້ໄດ້ ສ່ວນກ້ອງຫນ້າຍັງບໍ່ຖທວ່າດີຫລາຍ ແຕ່ກໍ່ດີກວ່າແຕ່ກ່ອນຫລາຍ ມີ Beauti Mode ມາໃຫ້ໃຊ້ດ້ວຍ ສາມາດປັບແຕ່ງໄດ້ 3 ສ່ວນຄື: ດວງຕາ, ຜິວຫນ້າ ແລະ ຄວາມພຽວຂອງໃບຫນ້າ.

ຕົວຢ່າງພາບຖ່າຍຈາກ Samsung Galaxy E7

 

ຂໍ້ດີຂອງ Samsung Galaxy E7

1. ໂຕເຄື່ອງງານປະກອບແຫນ້ນຫນາດີ, ວັດສະດຸຄຸນນະພາບດີ ບາງພຽງ 7.3 ມມ.
2. ຫນ້າຈໍ Super AMOLED ຂະຫນາດໃຫຍ່ 5.5 ນີ້ວຄວາມລະອຽດ HD 720p 720 x 1280p (267ppi)
3. ສະເປັກຫນ້າສົນໃຈ Snapdrogon 410, Ram 2GB, ຫນ່ວຍຄວາມຈຳພາບໃນ 16GB ເພີ່ມພາຍນອກໄດ້ສູງສຸດ 64GB ການໃຊ້ງານລ່ຽນໄຫລດີຫລາຍ ບໍ່ແພ້ລຸ່ນໃຫຍ່ກັນເລີຍ.
4. ກ້ອງຄວາມລະອຽດ 13MP ແລະ ກ້ອງຫນ້າ 5MP ຄຸນນະພາບດີ.
5. ແບັດຯຄວາມຈຸ 2950 mAh ທົນໃຊ້ໄດ້.

 

ຂໍ້ເສຍຂອງ Samsung Galaxy E7

1. ກ້ອງ White Balance ບໍ່ແມ້ນ ສີບໍ່ຖືກຕ້ອງ.

 

ສຳລັບ Samsung Galaxy E7 ຖືວ່າຄຸ່ມຄ່າໃນລາຄາພຽງແຕ່ປະມານ 2.875.000 ກີບ ໄດ້ສະມາດໂຟນທີ່ໃຊ້ງານໄດ້ດີແບບນີ້ ຖືວ່າພຽງພໍຕໍ່ກັບການໃຊ້ງານທົ່ວໄປ. ຫນ້າຈໍໃຫຍ່ ສວຍງາມ ການໃຊ້ງານລ່ຽນໄຫລ ແບັດຯທົນ ແລະ ກ້ອງກໍ່ສວຍງາມໃຊ້ໄດ້ ແຖມຍັງຖ່າຍ Selfie ໄດ້ດີອີກດ້ວຍ ໄຜທີ່ງົບບໍ່ຫລາຍ ແລະ ມັກໃນແບຣນ Samsung ຢູ່ແລ້ວ Samsung Galaxy E7 ເປັນອີກລຸ້ນທີ່ຈະບໍ່ເຮັດໃຫ້ຜິດຫວັງແນ່ນອນ.

 

[gradeA]