รีวิวภาษาไทย Samsung Galaxy Tab A 8.0 แท็บเล็ตที่มาพร้อมปากกาเขียนหน้าจอ บางลง ทรงใหม่ <<< คลิ๊ก
ຫລັງຈາກໄດ້ລອງທົດສອບເຄື່ອງ Samsung Galaxy Tab A ຕ້ອງຂໍບອກວ່າເຫມືອນກັບເຄື່ອງທີ່ອອກມາເປັນໂຕແທນຂອງ Galaxy Note 8 ເລີຍ ແບບຕໍ່ຍອດກັນໄປໃນອາລົມຄ້າຍໆກັນ ເທົ່າໆກັນ ແຕ່ມາໃນຮູບລັກສະນະໃຫມ່. ບາງລົງ, ເບົາລົງ ແລະ ໃຊ້ UI ໃຫມ່ ຟັງຊັ່ນໃຫມ່ສ່ວນປະສິດທິພາບນັ້ນບອກກ່ອນວ່າເກືອບຈະໃຫ້ອາລົມການໃຊ້ງານເທົ່າໆກັນ ແຕ່ອາດຈະຮູ້ສຶກວ່າໂຕລະບົບນັ້ນແຫນ້ນກວ່າ ຈັງຫວະຂອງການແລັກຫນ້ອຍກວ່າ.
ການອອກແບບທີ່ມາໃນຮູບລັກສະນະແນວຕັ້ງຄືກັບ Tablet Galaxy Note 8 ເປັນທັງແັທບເັລດ ທັງໂທລະສັບ ທີ່ສາມາດສົນທະນາແນບຫູໄດ້ ເປັນເຄື່ອງທີ່ຮອງຮັບການໃຊ້ງານຮ່ວມກັບປາກກາ S-Pen ຫລື ປາກກາຂຽນຫນ້າຈໍຂອງ Samsung ເຊິ່ງຂໍອະທິບາຍຫຍໍ້ໆສຳລັບຄົນທີ່ບໍ່ຮູ້ວ່າປາກກາ S-Pen ແຕກຕ່າງຈາກປາກກາຂຽນຫນ້າຈໍທົ່ວໆໄປແບບໃດ.
ຂໍ້ທຳອິດ ມັນເປັນປາກກາທີ່ມີການຍອມຮັບວ່າມີການຕອບສະຫນອງທີ່ໄວ ແລະ ຖືກຕ້ອງໃກ້ຄຽງກັບປາກກາແທ້ໆໃນປັດຈຸບັນ ໂດຍໃຊ້ເຕັກໂນໂລຊີການສົ່ງສັນຍານໄຟຟ້າຜ່ານລົງໄປໃນຫນ້າຈໍໄດ້ໂດຍບໍ່ຕ້ອງໃຊ້ແບັດຯ ແລະ ແຜງຫນ້າຈໍຮັບສຳຜັດຂອງເຄື່ອງ Samsung Galaxy Tab A ສາມາດແຍກຄວາມແຕກຕ່າງຂອງນ້ຳຫນັກແຮງກົດຂອງຫົວປາກກາ ແລະ ແຍກນີ້ວມືຂອງມະນຸດອອກຈາກປາຍປາກກາໄດ້ ເຮັດໃຫ້ມັນສາມາດເຮັດວຽກໄດ້ຫລາກຫລາຍຮູບແບບ ເທິງຟັງຊັ່ນຕ່າງໆທີ່ທາງ Samsung ໃສ່ເຂົ້າມາໃຫ້ໃນເຄື່ອງ Samsung Galaxy Tab A ໂຕນີ້.
ສະເປັກເຄື່ອງ Samsung Galaxy Tab A
- 3G HSDPA
- 4G LTE
- ຫນ້າຈໍ TFT ຂະຫນາດ 8 ນີ້ວຄວາມລະອຽດ 768 x 1024 pixels (160 ppi)
- Android 5.0 Lollipop
- CPU Qualcomm Snapdragon 410 Octa-core 1.2GHz 64-bit
- RAM 2GB
- ຄວາມຈຳພາບໃນ 32GB ສາມາດເພີ່ມຫນ່ວຍຄວາມຈຳພາບນອກໄດ້ສູງສຸດ 128GB
- Wi-Fi 802.11 a/b/g/n, dual-band, WiFi Direct, hotspot
- Bluetooth 4.0
- Micro USB 2.0
- GPS, GLONASS
- ເັຊນເຊີ້ Accelerometer
- ກ້ອງຫລັງຄວາມລະອຽດ 5MP
- ກ້ອງຫນ້າ 2MP
- ແບັດເຕີລີ້ 4200 mAh
- ລາຄາເປີດໂຕ 12900 ບາດ ຫລື ປະມານ 3.225.000 ກີບ.
ໂດຍລຸ້ນທີ່ນຳເຂົ້າມາຈຳຫນ່າຍທີ່ກຳລັງຣີວິວໃນຂະນະນີ້ຄືລຸ້ນທີ່ຮອງຮັບການໃສ່ຊິມ 4G LTE ຫນ້າຈໍຄວາມລະອຽດ HD, Ram 2GB ແລະ ຫນ່ວຍຄວາມຈຳພາຍໃນເປັນຂະຫນາດ 16GB ເຫລືອໃຫ້ປະມານ 10GB ພ້ອມຊ່ອງເພີ່ມຫນ່ວຍຄວາມຈຳພາຍນອກ Micro SD Card.
ໂດຍລວມຈະເຫັນວ່າເຄື່ອງ Samsung Galaxy Tab A ບໍ່ໄດ້ມີສະເປັກສູງແຕ່ເປັນຫນ່ວຍປະມວນຜົນໃຫມ່ Snapdrogon 410 ທີ່ໃຊ້ເັຕກໂນໂລຊີ 64Bit ພ້ອມກັບແຣມຂະຫນາດ 2GB ອຕ່ປະສິດທິພາບການໃຊ້ງານຖືວ່າໄວໃຊ້ໄດ້ ຄ້າຍໆກັບ Samsung Galaxy Note 8 ແຕ່ກ່ອນເລີຍທີ່ສະເປັກເຄື່ອງບໍ່ສູງແຕ່ການໃຊ້ງານພັດລ່ຽນໄຫລໄດ້ດີພໍສົມຄວນ.
ໂຕເຄື່ອງອອກແບບມາໄດ້ບາງຫລາຍ ເບົາກວ່າເກົ່າ ແລະ ຫນ້າຈໍປັບມາໃນສັດສ່ວນ 4:3 ເພື່ອການໃຊ້ງານໃນແນວຕັ້ງທີ່ເຫມາະສົມຫລາຍຂຶ້ນ ສພລັບອັດຕາສ່ວນນີ້ກໍ່ເຫມາະສົມກັບການອ່ານ ທີ່ໃກ້ຄຽງກັບຂະຫນາດຫນັງສື ຫລື ຂະຫນາດເຈ້ຍມາດຕະຖານກວ່າສັດສ່ວນ 16:9 ແຕ່ໃນເລື່ອງຂອງການໃຊ້ງານແນວນອນາອດຈະດ້ອຍກວ່າ 16:9 ໃນເລື່ອງຂອງການຮັບຊົມຫນັງ ໂດຍສະເພາະຫນັງ ຫລື ວີກີໂອທີ່ມາໃນຮູບແບບ Wide Screen.
ດ້ານຫລັງໂຕເຄື່ອງລຽບໆ ງ່າຍໆ ແລະ ກ້ອງນູນອອກມາຕາມສະຕາຍການອອກແບບໃນຍຸກຫລັງຂອງ Samsung ໂຕລຳໂພງຍັງຄົງເປັນ Mono ລຳໂພງດ່ຽວ ແລະ ຢູ່ດ້ານລຸ່ມ ເນັ້ນການເຮັດວຽກແບບແນວຕັ້ງເຕັມຮູບແບບ.
Port ຂ້າງເຄຶ່ອງທີ່ມີທັງບ່ອນໃສ່ຊິມ ແລະ Micro SD Card ຮອງຮັບການເຊື່ອມຕໍ່ 3G ແລະ 4G .
ຫນ້າຈໍຄວາມລະອຽດທີ່ຮູ້ສຶກວ່າຢາກຫລົງຍຸກໄປສຳລັບເຄື່ອງທີ່ມາໃນລາຄາປະມານຫມື່ນກວ່າບາດ ໃຫ້ພາບທີ່ບໍ່ຄ່ອຍຈະຄົມຊັດຕາມຍຸກສະໄຫມທີ່ໄປກັນໄກເຖິງ 2K ອາດຈະເປັນຍ້ອນຕົ້ນທຶນທີ່ແພງກວ່າຂອງແຜງຫນ້າຈໍທີ່ຕອ້ງຮອງຮັບປາກກາ S-Pen ແລະ ກຳຫນົດລາຄາຂາຍໃຫ້ຢູ່ໃນປະມານຫມື່ນບາດຕົ້ນໆ ອາດຈະໄດ້ເົທ່ານີ້ ແຕ່ຢ່າງຫນ້ອຍສິ່ງທີ່ດີກວ່າເກົ່າຄືເຕັກໂນໂລຊີຫນ້າຈໍສະໄຫມໃຫມ່ເຮັດໃຫ້ຈໍພາບຂອງ Samsung Galaxy Tab A ສະເລ່ຍແສງ, ສີ ໄດ້ດີກວ່າຈໍທີ່ມີຄວາມລະອຽດເທົ່າໆກັນທີ່ຜະລິດອອກມາກ່ອນຫນ້ານີ້.
ທົດສອບການໃຊ້ງານ
ຫນ້າໂຮມໃຫມ່ຂອງ UI ສວຍງາມຂຶ້ນກວ່າ Note 8 ແນ່ນອນເພາະມາພ້ອມຟັງຊັ່ນທີ່ມີຢູມນ Galaxy Note 4 ຢ່າງເຊັ່ນ: Air Command ຊຸດຄຳສັ່ງຮີບດ່ວນສີ່ຢ່າງ ພຽງແຕ່ເອົາປາກກາຈໍ່ບໍລິເວນຫນ້າຈໍ ແລ້ວກໍ່ຄຣິກ ເປັນການເປີດຟັງຊັ່ນຄຳສັ່ງຮີບດ່ວນຂຶ້ນມາແລ້ວ.
ລະບົບ Multi Windows ເຊິ່ງເປັນເວີຊັ່ນໃຫມ່ ຫຍໍ້ໄດ້ສອງແບບຄື ເຫັນມິນິປັອບອັບ (ໂດຍການລາກນີ້ວລົງມາຈາກມຸມຂວາເທິງຂອງຫນ້າແອັບຯ) ແລະ ແບບແບ່ງເຄິ່ງຫນ້າຈໍ (ໂດຍການ Touch ໄອຄອນຮູບສີ່ຫລ່ຽມໃນຫນ້າ Recent App) ເຊິ່ງເຫັນວ່າ Samsung Galaxy Tab A ໂຕນີ້ເຮັດວຽກໃນສ່ວນຂອງ Multi Windows ໄດ້ດີລາກຫຍໍ້ຫນ້າຕ່າງໄດ້ບໍ່ມີບັນຫາ ເປີດຫນ້າແອັບຯສາມ ສີ່ ແອັບຯໄວ້ເຕັມຫນ້າຈໍກໍ່ຍັງບໍ່ມີອາການຫນ່ວງໃຫ້ເຫັນເລີຍ.
ແຣມຂະຫນາດ 2GB ພຽງພໍສຳລັບການເຮັດວຽກກັບ Samsung Galaxy Tab A ແລ້ວ ຕອນທຳອີດທີ່ເຫັນສະເປັກເຄື່ອງກໍ່ຄິດຢູ່ວ່າການໃຊ້ງານຈະເປັນແບບໃດ ແຕ່ພໍໄດ້ທົດສອບແລ້ວກໍ່ໃຫ້ຜ່ານແບບສະບາຍໆ.
ນອກນັ້ນຍັງສາມາດປັບລະດັບຂະຫນາດຂອງໂຕອັກສອນຂອງລະບົບໄດ້ຫລາຍຂະຫນາດ ແຕ່ບໍ່ໄດ້ສົ່ງຜົນກັບຂະຫນາດຂອງໂຕຫນັງຂອງແອັບຯທັງຫມົດ. ແທັບເລັດແອນດຣອຍຍັງຄົງພົບເລື່ອງບັນຫາຂອງຂະຫນາດໂຕອັກສອນບໍ່ສົມສ່ວນຫນ້າຈໍຢູ່ເຊັ່ນເຄີຍ.
ຟັງຊັ່ນປາກກາ S-Pen ກໍ່ຍັງມີການເຮັດວຽກຫລັກໆທີ່ສຳຄັນຢູ່ເຊັ່ນເຄີຍ
ຟັງຊັ່ນເກົ່າໆທີ່ຄຸ້ນເຄີຍໃນການເຮັດວຽກເທິງ Galaxy Note 4 ກໍ່ຍົກມາໃຫ້ໄດ້ໃຊ້ງານກັນຄືເກົ່າ ເມນູການເອີ້ນໃຊ້ແບບຮີບດ່ວນຈາກປາກກາ S-Pen ມີ: ການບັນທຶກດ່ວນ ການເລືອກອັດສະລິຍະທີ່ສາມາດ ເລືອກສິ່ງທີ່ສະແດງຢູ່ຫນ້າຈໍໄດ້ໂດຍທັນທີ ແລະ ການຕັດພາບຫນ້າຈໍໂດຍອິດສະຫລະດ້ວຍປາກກາ ແລະ ສຸດທ້າຍຄືການຂຽນລົງໄປໂດຍກົງເທິງຫນ້າຈໍ ທັງສີ່ຄຳສັ່ງເປັນຄຳສັ່ງດ່ວນທີ່ສາມາດເອີ້ນໃຊ້ງານໄດ້ແລ້ວໃນ Samsung Galaxy Tab A.
ອີກຫນຶ່ງຟັງຊັ່ນທີ່ຫນ້າສົນໃຈນັ້ນຄືການໃຊ້ປາກກາຂຽນຂໍ້ຄວາມເປັນລາຍມືໃນຊອ່ງຂຽນຂໍ້ຄວາມໄດ້ໂດຍກົງ ໂດຍການນຳເອົາປາກກາໄປຈໍ່ທີ່ຊ່ອງຂຽນຂໍ້ຄວາມ ຈະມີໄອຄອນສະແດງຂຶ້ນມາໃຫ້ເຮົາເລືອກການຂຽນດ້ວຍລາຍມື ເພື່ອໃສ່ຂໍ້ມູນໄດ້ທັງພາສາອັງກິດ ແລະ ພາສາໄທ ທົດສອບການໃຊ້ງານແລ້ວຕອ້ງບອກວ່າສະດວກ, ໄວ ແລະ ຖືກຕອ້ງຫລາຍ.
ທາງ Samsung ໄດ້ມີການກຽມແອັບຯສຳລັບການເຮັດວຽກທີ່ເຫມາະສົມກັບເຄື່ອງ Galaxy Tab A ເອົາໄວ້ໃຫ້ໃຊ້ງານໄດ້ແບບຟຣີ້ໆ ໃນ Galaxy Gift ອີກດ້ວຍ ຮັບຮອງວ່າໄດ້ຮັບສິດກັນທຸກເຄື່ອງແນ່ນອນ.
ລາຄາເຄື່ອງຂອງ Samsung Galaxy Tab A ເທົ່າທີ່ຮູ້ມາແລ້ວທັງສອງຂະຫນາດຫນ້າຈໍຄື: 12.900 ບາດ ຫລື ປະມານ 3.225.000 ກີບ ສຳລັບຫນ້າຈໍ 8 ນີ້ວ ແລະ 14.900 ບາດ ຫລື ປະມານ 3.725.000 ກີບສຳລັບຫນ້າຈໍ 9.7 ນີ້ວ.
ຫລາຍໆຄົນຖາມເຖິງຄວາມແຕກຕ່າງເມື່ອລອງທຽບການໃຊ້ງານກັບເຄື່ອງ Galaxy Note 8 ກັບ Galaxy Tab A 8.0 ປະສິດທິພາບການເຮັດວຽກຢູ່ໃນລະດັບດຽວກັນຕ່າງກັນຫນ້ອຍຫນື່ງໃນເລື່ອງຂອງຄວາມລ່ຽນໄຫລ ອາດຈະດ້ວຍລະບົບຊັອບແວທີ່ໃຫມ່ກວ່າ ຈັດການການເຮັດວຽກຂອງລະບົບໄດ້ດີກວ່າ ແລະ ສັດສວ່ນຫນ້າຈໍແບບ 4:3 ຂອງເຄື່ອງ Tab A ເຮັດໃຫການເຮັດວຽກໄດ້ສະດວກກວ່າໂດຍສະເພາະແມ່ນແນວຕັ້ງ.
ແອັບຯທີ່ເປັນໂຕເດັດຈາກທາງ Samsung ກໍ່ຄື Sidesync 3.0 ເຊິ່ງໂຕນີ້ເຮັດຫນ້າທີ່ເປັນໂຕເຊື່ອມຕໍ່ຂອງອຸປະກອນໄດ້ຂ້າມສາຍພັນ ບໍ່ວ່າຈະເປັນການເຊື່ອມຕໍ່ລະຫວ່າງອຸປະກອນແທັບເລັດ ສະມາດໂຟນ ແລະ ອຸປະກອນ PC ຫລື Mac OS ເຮັດໃຫ້ເົຮາສັ່ງງານ, ຄວບຄຸມ ແລະ ັບງຄັບອຸປະກອນ Samsung ຂອງເຮົາຜ່ານຫນ້າຈໍ PC, Notebook ແລະ Mac ໄດ້.
ສາມາດເປີດຟັງຊັ່ນການເຊືອມຕໍ່ອິນເຕີເນັດໂດຍການແຊເນັດຈາກ 3G, 4G ຂອງ Samsung Galaxy Tab A ສົ່ງຜ່ານສາຍມາຫາເຄື່ອງ PC ທີ່ເຊື່ອມຕໍ່ຢູ່ໄດ້ເລີຍເຮັດວຽກຕ່າງໆຜ່ານເຄື່ອງ PC ໄດ້ໂດຍຍັງມີຫນ້າຈໍເຄື່ອງ Tab A ຢູ່ເທິງຫນ້າຈໍໃຫ້ເຮົາເຮັດວຽກຄວບຄູ່ກັນໄປໄດ້ດ້ວຍ.
ເຮົາສາມາດເຮັດວຽກໄດ້ໂດຍກົງເທິງຫນ້າຈໍຂອງ Tab A ຜ່ານ Mouse ແລະ Keyboard ຂອງເຄື່ອງ PC ທີ່ເຊື່ຶອມຕໍ່ຢູ່ໄດ້ບໍ່ຕ່າງກັບເປັນຫນ້າຈໍທີ່ສອງຂອງເຄື່ອງ PC ເລີຍ ແຕ່ຫນ້າເສຍດາຍໃນຂະນະໃຊ້ງານ Keyboard ຂອງເຄື່ອງ PC ຍັງບໍ່ສາມາດໃຊ້ງານພາສາໄທໄດ້.
ສາມາດໃຊ້ງານໄດ້ບໍ່ຕ່າງກັບການໃຊ້ງານເທິງຫນ້າຈໍໂດຍກົງໂດຍສະເພາະຖ້າເຄື່ອງ PC ເປັນແບບ Touch Screen ກໍ່ງ່າຍເລີຍ ສາມາດ ທັຊລົງໄປໂດຍກົງໄດ້ເລີຍ.
ແອັບຯ Smart Manager ຂອງທາງ Samsung ເປັນໂຕຊ່ວຍເຫລືອ ແລະ ຄວບຄຸມໂຕເຄື່ອງໃນການຈັດການພື້ນທີ່ຫນ່ວຍຄວາມຈຳ, Clear Ram ແລະ ປ້ອງກັນຈາກແອັຍຯອັນຕະລາຍ ເປັນແອັບຯທີ່ທາງ Samsung ເປັນຜູ່ພັດທະນາເອງເລີຍ.
ປະສິດທິພາບຂອງການໃຊ້ງານ S-Pen
“ໃຫ້ຄວາມຮູ້ສຶກບໍ່ແຕກຕ່າງກັບ Galaxy Note 8” ເຖິງຈະຄ້າບຄືກັບວ່າມັນບໍ່ໄດ້ພັດທະນາໄປໃສ ແຕ່ກໍ່ບໍ່ໄດ້ຫມາຍເຖິງວ່າມັນບໍ່ດີ ຫລື ບໍ່ຫນ້າໃຊ້ງານເພາະຢ່າງທີ່ຫລາຍໆຄົນອາດຈະເຄີຍທົດສອບໃຊ້ງານປາກກາ S-Pen ເທິງ Galaxy Note 8 ມັນກໍ່ເປັນປະສົບການທີ່ສຸດຍອດເຊັ່ນກັນ.
ໂຕປາກກາເັປນການອອກແບບໃຫມ່ຄ້າຍກັບປາກກາຂອງ Galaxy Note 4 ແຕ່ມີຄວາມກວ້າງທີ່ຫລາຍກວ່າ ແລະ ມີປາຍທີ່ແຕກຕ່າງອອກໄປ ຂໍ້ດີຄືປຸ່ມໃນປາກກາໄດ້ຫຍັບຂຶ້ນມາເລັກນ້ອຍ ເມື່ອທຽບກັບ Note 8 ແຕ່ຂໍ້ເສຍ ຫລື ອາດຈະເປັນຄວາມບໍ່ລຶ້ງເຄີຍ ຄືປາກກາເປັນຊົງແປໆ ການຈັບອາດຈະບໍ່ຖະຫນັດຄືກັບປາກກາທີ່ເົຮາເຄີຍໃຊ້ທີ່ເປັນລັກສະນະມົນໆ.
ທ່ານ CherryCola ໄດ້ລອງທົດສອບດ້ວຍໂຕເອງໃຫ້ຄວາມເຫັນດັ່ງຂໍ້ຄວາມດ້ານເທິງທີ່ວ່າມາ ຝາກຜົນງານເທບໆເອົາໄວ້ໃຫ້ເົຮາຫນຶ່ງພາບ ເປັນພາບຂອງ Vision ແຫ່ງ The Avenger ນັ້ນເອງ.
ຜົນທົດສອບດ້ານສຽງ ແລະ ການຫລິ້ນເກມ
ພາບຫນ້າຈໍໃຫ້ຄວາມລະອຽດທີ່ບ່ສູງຫລາຍ ຫນ້າຈະເປັນຈຸດທີ່ຫລາຍໆຄົນເວົ້າເຖິງກັນ ດ້ວລະດັບລາຄາທີ່ຫລາຍຄົນຄາດຫວັງວ່າມັນຈະມາໃນລະດັບສູງກວ່ານີ້ ແຕ່ຢ່າງໃດກໍ່ຕາມ ທົດສອບລອງເຂົ້າເວັບ, ເຂົ້າອ່ານຫນັງສື, ເບິ່ງພາບ ແລະ ຫລິ້ນວີດີໂອ ກໍ່ຢູ່ໃນລະດັບທີ່ພໍຮັບໄດ້ ເຊິ່ງກໍ່ຫວັງວ່າຈະມີລຸ້ນທີ່ຫນ້າຈໍຄວາມລະອຽດສູງກວ່ານີ້ ສ່ວນປະສິດທິພາບການຫລິ້ນຫນັງ ກໍ່ສາມາດຫລິ້ນໄຟລ 1080P ໄດ້ສະບາຍ, ເກມ HD ກໍ່ຫລີ້ນໄຫວ ສ່ວນສຽງນັ້ນດັງພໍໃຊ້ໄດ້ແຕ່ສຽງອກກແປໆ ບໍ່ມີມິຕຕິ ການອອກແບບທີ່ເອົາລຳໂພງໄວ້ດ້ານຂ້າງ ອາດຈະເຮັດໃຫ້ຖືກມືບັງໄດ້ໃນຂະນະທີ່ຖືໃຊ້ງານແນວນອນ.
ຜົນທົດສອບຕ່າງໆ
ຈັບສັນຍານ GPS ໃຊ້ເວລາພໍປະມານໃນຂະນະທີ່ທົດສອບ ແຕ່ສາມາດຈັບຕຳແຫນ່ງໄດ້.
ແັບດຯຂະຫນາດ 4.200 mAh ສາມາດຢູ່ໄດ້ຂ້າມວັນ ໃຊ້ງານປະມານ 12 ຊົ່ວໂມງໃນສະຖານະການເຮັດວຽກເຕັມທີ່ ເປີດ Sync ຂໍ້ມູນຕ່າງໆ ແລະ ເປີດແສງຫນ້າຈໍປະມານ 50%.
ມີໂຫມດປະຫຍັດພະລັງງານແບບສຸກເສີນ ສາມາດເຮັດແບັດຯປະມານ 10% ສາມາດຢູ່ກັບເົຮາໄດ້ເຖິງຫນຶ່ງມື້ໂດຍປະມານ.
ການໃຊ້ງານດ້ານການຖ່າຍຮູບ
ກ້ອງຖ່າຍຮູບ 5 ລ້ານພິກເຊວ ຖ່າຍວີດີໂອຄວາມລະອຽດລະດັບ HD ຄຸນນະພາບດີຂຶ້ນກວ່າ Galaxy Note 8 ແຕ່ກໍ່ບໍ່ໄດ້ດີຫລາຍ ພໍໃຊ້ງານໄດ້ບໍ່ຂັດໃຈ.
ໂຫມດການຖ່າຍຮຸບພໍມີມາໃຫ້ໄດ້ໃຊ້ ບໍ່ເຫງົາເຖິງວ່າຈະເປັນແທັບເລັດກໍ່ຕາມ.
ຕົວຢ່າງພາບຖ່າຍ
ບົດສະຫລຸບທ້າຍຣີວິວ
ທາງ Samsung ໄດ້ລະບຸຊື່ຂອງ Tab A 8.0 ໂຕນີ້ວ່າ Tab A with S-Pen ຫມາຍເຖິງເຄື່ອງ ແທັບເລັດທີ່ມາພ້ອມກັບ S-Pen ນັ້ນເອງບໍ່ແມ່ນເຄື່ອງ Galaxy Note ລຸ້ນໃຫມ່ແຕ່ຢ່າງໃດ ແຕ່ການປ່ອຍໃຫ້ແຟນໆຊາວແທັບເລັດ ທີ່ຢາກໃຊ້ງານເຄື່ອງທີ່ມາພ້ອມກັບປາກກາເຊັ່ນ: Galaxy Note 8 ລໍຖ້າມາດົນເກີນໄປ ຈົນບໍ່ແມ່ນເວລາຂອງລຸ້ນທີ່ມີການພັດທະນາພຽງແຕ່ Minor Change ແບບນີ້ ຄວາມຫວັງທີ່ຈະໄດ້ເຫັນລຸ້ນໃຫມ່ໆທີ່ອັບເກຣດສະເປັກມາເຕັມທີ່ ກໍ່ເຮັດໃຫ້ຫລາຍຄົນນັ້ນຜິດຫວັງໄປຕາມໆກັນ.
ແຕ່ຖ້າບໍ່ນັບວ່າມັນເປັນເຄື່ອງໂຕແທນຂອງ Galaxy Note 8 ແລ້ວ Galaxy Tab A ກໍ່ເປັນເຄື່ອທີມີປະສິດທິພາບຫນ້າໃຊ້ງານ ສະເປັກບໍ່ແຮງ ແຕ່ທົດສອບໃຊ້ແລ້ວກໍ່ພຽງພໍ ແຖມເປັນເຄື່ອງທີ່ມາພ້ອມຂະຫນາດຫນ້າຈໍແບບ 4:3 ແລະ ມີເຕັກໂນໂລຊີປາກກາ S-Pen ເຊິ່ງມັນກໍ່ເປັນເຄື່ອງທີ່ມາພ້ອມປາກກາຫນ້າຈໍ 8 ນີ້ວທີ່ດີທີ່ສຸດໃນຕະຫລາດໃນຂະນະນີ້ ເຖິງວ່າມັນຈະດີກວ່າເກົ່າພຽງເລັກນ້ອຍກໍ່ຕາມ ຄົນທີ່ຕ້ອງການໃຊ້ງານໃນລັກສະນະນີ້ ເຖິງຢ່າງໃດກໍ່ເປັນຕົວເລືອກທີ່ດີ.
